Aşgabat şäheriniň Olimpiýa şäherjiginiň Başa-baş söweş sungaty sport toplumynda ýaşlaryň arasynda Türkmenistanyň kubogyny almak ugrunda dzýudo boýunça ýaryş geçirilýär. 2019-njy ýylyň 19-njy, sagat 10:00 – da dekabrynda bu gyzykly sport ýaryşyna badalga berildi.
Dzýudonyň sportuň Olimpiýa görnüşidigi sebäpli Türkmenistanyň kubogy ugrundaky ýaryşyň bilermenlerde we janköýerlerde uly gyzyklanma döredýändigini bellemelidiris.
2000-2002-nji ýyllarda doglan oglanlaryň we gyzlaryň arasynda dowam edýän Türkmenistanyň kubogy ugrundaky ýaryş 2019-njy ýylyň 20-nji dekabrynda dowam eder.
Türkmenistanyň kubogyny almak ugrunda dzýudo ýaryşynyň Türkmenistanyň Sport we ýaşlar syýasaty ministrliginiň sport çäreleriniň meýilnamasyna laýyklykda geçirilýändigini ýatladýarys.
www.msy.gov.tm saýtynyň materiallary esasynda taýýarlanyldy.
Teswirler