Şu gün Magtymguly adyndaky Türkmen Döwlet Uniwerisitetiniň mejlisler jaýynda Türkmenistanyň Halk Maslahatynyň çözgütleri esasyna bagyşlanan maslahat geçirildi.
Maslahatyň öňüsyrasynda mejlisler otagynyň eýwanynda dutar saz toparynyň görkezme çykyşy görkezildi we Türkmenistanda çykarylýan kitaplaryň we neşir önümleriniň sergisi geçirildi.
TDU-nyň kafedra müdiri, professor Atajan Burynowyň alyp barmagyndaky geçirilen maslahatda:
- Ata Serdarow, Türkmenistanyň Demokratik Partiýasynyň başlygy
- Italmaz Saparlyýew, S.A.Nyýazow adyndaky Türkmen oba hojalyk uniwersitetiniň kafedra müdiri, professor,
- Öwezdurdy Hümmedow, Onkologiýa ylmy-kliniki merkeziniň bölüm müdiri,
- Jumamyrat Gurbangeldiýew, Türkmenistanyň Daşary işler ministrliginiň Halkara gatnaşyklary institunyň prorektory,
- Myrat Tuwakow, Türkmenistanyň Ylymlar akademiýasynyň bölüm müdiri,
- Gurbangözel Saparowa, Halkara nebit we gaz uniwersitetiniň uly mugallymy,
- Ýalkapberdi Aşyrmyradow, Türkmenistanyň Sport we ýaşlar syýasaty ministrligniň esasy hünärmeni,
- Maýa Geldiýewa, Döwletmämmet Azady adyndaky Türkmen milli dünýä dilleri insitutynyň mugallymy,
- Amangeldi Orazow, Türkmen döwlet binagärlik-gurluşyk institunyň uly mugallymy çykyş etdiler.
Geçirilen maslahatda Türkmenistanyň Prezidenti Gurbanguly Berdimuhamedowyň başlangyjy bilen BMG-nyň Baş Assambleýasy tarapyndan “2021-nji ýyl – Halkara parahatçylyk we ynanyşmak ýyly” atly Kararnama kabul edilendigi hem-de Türkmenistanyň Prezidenti Gurbanguly Berdimuhamedowyň ýolbaşçylygynda hazaryň kenarynda geçirilen birinji Hazar ykdysady forumyň ähmiýeti hakda nygtalyp geçildi. Maslahatyň baryşynda Türkmenistanyň Prezidentine “Hormatly il ýaş ulusy” diýen hormatly adyn dakylandygyny hem belläp geçdiler. Şeýle hem maslahatda çykyş edenler, Türkmenistanyň Halk Maslahatynda ýurdumyzyň gülläp ösmegine, halkymyzyň ýaşaýyş –durmuş derejesiniň ýokarlandyrylmagyna , dünýäde parahatçylygyň, dostluk-doganlyk, hoşniýetli gatnaşyklaryň has-da giňeltmekligine gönükdirilen täze wezipeler hakynda giňden gürriň edildi.
Maslahat Türkmenistanyň Prezidenti Gurbanguly Berdimuhamedowa kabul edilen ýüzlenme bilen jemlenildi.
Teswirler