Aşgabat şäheriniň Berkararlyk etrabynda Parahat-7 ýaşaýyş toplumynda 134-nji Çagalar bagy dabaraly ýagdaýda açylyp ulanylmaga berildi.
160 orunlyk çagalar bagynda ähli döwrebap mümkinçilikler döredilen. Şol sanda matematika, lingafon otagy, suw howuzy, surat otagy we beýleki şertler bilen enjamlaşdyrylan.
Açylyş dabarasynda Aşgabat şäheriniň häkiminiň orunbasary Akjagül Dowaýewa we Türkmenistanyň hormatly il ýaşulysy Suwhan Bahanow münberde çykyş etdi.
Dabara halk maslahatynyň agzalary, jemgyýetçilik guramalarynyň wekilleri, bilim edaralarynyň işgärleri, mugallymlar, ene-atalar we çagalar gatnaşdy.
Çagalaryň taýýarlan aýdym-sazly çykyşlary we kepderi uçurmak dabarasynyň bezeginde il ýaşulylary çagalar bagynyň açylyş ýüpüni kesdiler.
Il ýaşulylary desganyň içine girip, otaglaryny aýlandylar. Bu otaglarda çagalaryň taýýarlan goşgy, aýdym-saz we tansly çykyşlaryna tomaşa etdiler. Öz gezeginde çagalara ýadygärli sowgatlar berildi.
Teswirler