Näme üçin ary baly 1 kg agyz suwundan agyr? Ýa-da ýenede bir mysal, 1l süýt 1l agyz suwundan agyr? Ýa-da 1l deňiz suwy bilen 1l süýdiň agramy deň?
Gürrüň näme hakynda gidýänligni , belki bilýänsiňiz. Suwuklyklaryň biri-birinden agyr gelmeginiň sebäbi olaryň dykyzlyklarynyň dürli-dürli bolmagydyr. Ýokarda aýdylanlara göz ýetirmek üçin bir tejribe geçireliň.
Gerekli suwuklyklar: suw, gap-çanak ýuwulýan serişde,ösümlik ýagy, ary baly we süýt. Uzyn boýly aýnadan ýasalan gap, suwuklyklaryň gerekli mukdaryny almak üçin 5 sany plastik stakan, dürli dykyzlyklardaky materiallar, demir bolt, çerri pomidory, ping-pong oýny üçin pökgi, çagalaryň “lego” oýnawajyndan bir detal.
Haýsy hadysa gözegçilik ederis?
1) Her bäş suwuklykdan deň mukdarda 5 stakana guýup alyň. Haýsynyň dykyzlygy has kiçi bolsa şondan başlap, ýuwaş-ýuwaşdan aýna gabyň içine guýup başlalyň.
Yzygiderligi: ary baly, süýt, gap-gaç ýuwmak üçin serişde, suw ösümlik ýagy. Tejribä gowy gözegçilik etmek üçin agyz suwuna iýmit reňkleýjisini garyp, suwuklyklaryň her gatyna degişli materiallary goýuň.
2) Azajyk garaşyň. Suwuklyklaryň her birini aýry-aýrylykda aýna gaba usullyk bilen guýsaňyz, onda bäş suwuklygyň bäş gat boýunça ýerleşer: iň yeňil ösümlik ýagy, soňra agyz suwy, soňra gap-gaç ýuwmak üçin serişde, süýt, ary baly.
Ýer şarynyň gatlaklarynyň gurluşy hem ýokarda tejribede getirilen suwuklyklaryň gatlar boýunça ýerleşişi ýalydyr. Ýagny: ýeriň iň üstki gatlagy gaty kremniý gabygy, merkezi gatlagy bolsa, demir bilen nikel ýaly agyr materiallaryň eredilen görnüşi saklanýar.
Kamalow Rozymyrat,
S.A.Nyýazow adyndaky Türkmen
oba hojalyk uniwersitetiniň talyby.
Teswirler