Awazada Parlamenti Forum üstünlikli tamamlandy: LLDC ýurtlary üçin maksatlaýyn kanunçykaryjy gün tertibi kesgitlenildi
Awaza, Türkmenisatn | 2025-nji ýylyň 4-nji awgusty — Bu gün Awazada BMG-niň Iň az ösen ýurtlary, Deňiz çykalgasy bolmadyk ösüp barýan ýurtlar we Ösüp barýan kiçi ada döwletler boýunça Ýokary wekiliniň edarasy (UN-OHRLLS) tarapyndan gurnalan Parlamenti Forum üstünlikli tamamlandy. BMG-nyň Deňiz çykalgasy bolmadyk ösüp barýan ýurtlaryň üçünji maslahatynyň (LLDC3) çäklerinde geçirilen bu ýokary derejeli forum, Awaza Hereketler Meýilnamasynyň (APoA) ýerine ýetirilmegini çaltlandyrmak üçin kanunçykaryjy strategiýalar boýunça dünýäniň dürli parlament agzalaryny jemledi.
Forum Awaza Sport toplumynyň Sportuň başa baş görnüşi boýunça binasynda geçirildi we LLDC ýurtlarynda netijeli dolandyryşy, parlament gözegçiligini we inklýuziw syýasatlary üpjün etmekde parlamentleriň möhüm ornuna ünsi çekdi.
Forumyň açylyşynda Türkmenistanyň Mejlisiniň, UN-OHRLLS-niň, Parlamentara Bileleşigiň we BMG Baş Assambleýasynyň Prezidentiniň wekilleri çykyş etdiler. Çäre parlament agzalarynyň, jemgyýetçilik guramalarynyň, halkara guramalarynyň we hususy pudagyň arasynda pikir alyşmak üçin möhüm meýdança boldy.
Forumda üç mowzuk boýunça tematik sessiýalar geçirildi:
- Wena şäherinden Awaza çenli — Bu sessiýa Wena Hereketler Meýilnamasyndan (VPoA) Awaza Hereketler Meýilnamasyna (APoA) geçişe we onuň mümkinçiliklerine bagyşlandy. Parlament reformalary, inklýuziw dolandyryş we hyzmatdaşlyk mümkinçilikleri ara alnyp maslahatlaşyldy.
- LLDC ýurtlary üçin köptaraplaýyn söwda ulgamy — Söwdanyň ykdysady ösüşde tutýan orny aýratyn nygtalyp, parlamentleriň halkara söwda ylalaşyklaryna gatnaşmagynyň, sanly söwda mümkinçilikleriniň giňeldilmeginiň we LLDC ýurtlarynyň dünýä ykdysady zynjyryna goşulmagynyň ýollary maslahatlaşyldy.
- Parahatçylyk, ynam we jogapkär dolandyryş — Halkara Parahatçylyk we ynanyşmak ýylynyň çäklerinde geçirilen bu sessiýada jemgyýetçilik ynamyny dikeltmek, zenanlaryň we ýaşlaryň wekilçilik derejesini ýokarlandyrmak we açyk dolandyryş mümkinçilikleri ara alnyp maslahatlaşyldy.
Forum, parlament agzalarynyň APoA boýunça borçnamalaryny tassyklaýan Çagyryş bilen tamamlandy. Ýaplyş sessiýasynda esasy teklipler jemlenip, forumyň netijelerini milli kanunçylyk meýilnamalaryna ornaşdyrmagyň zerurdygy bellenildi. Bu netijeler LLDC3 konferensiýasynyň ýapylyş mejlisinde hasabat hökmünde hödürlener.
Bu forum LLDC ýurtlarynda parlamentleriň durnukly ösüşe, jogapkärçilige we halkara hyzmatdaşlyga goşýan ornuny has-da güýçlendirmäge gönükdirilen möhüm ädim boldy.
Комментарии